اقدم واعرق حضاره في الكون اتولدت واتوجدت في بلد
قال عنها احد اعظم مؤرخي العالم انها اتوجدت لكي تكون دوله عظيمه
بلد علمت العالم وعلمت في التاريخ
من اول الفراعنه الي حتي هذه اللحظه باهرين العالم الحديث
لانهم قدروا يخترعوا الطب والهندسه والفنون والتحنيط
كل دا حصل بادوات بدائيه
وكان ممكن علموهم وفنونهم تنتهي معاهم
بس لانهم عظماء سجلو تاريخهم وحضارتهم علي الحجر وورق البردي
واعظم علماء ومكتشفي العالم عاجيزن قدام عبقريه الفراعنه
واحدث الاجهزه واكثرها تطورا مش قادره تجاري اقدم الادوات واكثرها بدائيه
ودا دليل علي حاجه واحده بس ان الفرق في القدرات ميتحسبش وميبقاش مقياسه الات والمعدات
الفرق في القدرات يتحسب بالعقول الي بتستخدم الالات دي
تخيلوا الفراعنه كان عندهم كمبيوتر كانو عملوا بيه ايه ؟ !!
الخلاصه ان لما عقل وتفكير وذكاء الفراعنه يتخطي مستوي احدث الالات في الكون يبقا لما تيجي سيره الفراعنه نتقف انتباه
انا عارف ان عقول الي بتشوف الموضوع دا بتقول ايه علاقه الكلام ده بمحمد منير ؟
ومش متخيلين ربط الكلام ده وتطبيقه علي الملك
بس لاني بحترم عقول المنايره جدا وبقدر تفكيرها جدا جدا
حبيت احط نفسي في اختبار هقدر احكم بعد ما يتم اذا كنت استحق ابقا من عشاق منير ولا لاء
بما اني مش عشاق الملك الجدد
منير بفنه عامل زي الفراعنه بامجادهم
قدر يبهر العالم كله بفن اشبه بفن التحنيط ميعرفش سره غيره هو بس
قدر بورقه وقلم وشويه الات موسيقيه وبحنجره اتولدت عشان تبقا صوت الحق وباحساس فاق الادراك العقلي
انه يحرك عواطف شعب ... يوعي ملايين العقول
يصحي جوه جمهوره حاجات كتير ماتت قدر
يوصل للعالميه الحقيقيه الي هي انك توصل تراثك المحلي للعالم كله
والي اكتر من كدا انه وصله بطريقه عجبت العالم كله
واعتبرت من الملك نجم من نجومها المفضليين
هي دي العالميه الي بجد ... زي اديبنا العالمي نجيب محفوظ
الي طبق مقوله التعمق في المحليه هو الي يقدر يوصللك للعالميه
يعني زي ما اديبنا كتب عن الحواري والي بيحصل فيها بالعربي
زي ما الملك غني بصوت الحواري بالعربي
فن الملك محفور علي صخر وحجاره شالها الملك علي كتفه طول مشواره
فن لا يمكن يتمحي مهما عدت سنين
وزي ما الفراعنه قادرين يبهرونا لغايه دلوقتي
زي ما الملك قادر يبهر اجيال تانيه غيرنا جايه بعدينا كمان عشرات او مئات او قرون من السنيين
هتبقا عقولها وتفكيرها مختلف عننا وهيبقا عندهم ادوات احدث من الي عندنا
بس مش هيكون عندهم فن الملك
الي هيبقا تراث الكل بيدور عليه
وزي ما الحضاره الي بهرت وعلمت العالم اتلخصت في تلات حروف ( مصر )
زي ما اعظم فن قدمه فنان علي مر التاريخ هيتلخص في اربع حروف ( منير )
__________________
0 التعليقات:
إرسال تعليق